'சிவப்பு மஞ்சள் பச்சை' பட கதாநாயகிக்கு திருமணம்: வெளியான புகைப்படங்கள் வைரல்

சிவப்பு மஞ்சள் பச்சை படத்தில் கதாநாயகியாக நடித்த லிஜோமோல் ஜோஸ் என்பவருக்கு அருண் ஆண்டனி என்பவருடன் திருமணம் நடைபெற்றது. 

மகேஷிண்டே பிரதிகாரம் படத்தின் மூலம் அறிமுகமானவர் லிஜோமோல் ஜோஸ். தமிழில் சித்தார்த்துக்கு ஜோடியாக இவர் நடித்த சிவப்பு மஞ்சள் பச்சை படத்துக்கு நல்ல வரவேற்பு கிடைத்தது. குறிப்பாக இந்தப் படத்தில் இடம்பெற்ற மைலாஞ்சி பாடல் மிகப் பிரபலம்.

இதனையடுத்து அவர் தீதும் நன்றும் என்ற படத்தில் கதாநாயகியாக நடித்திருந்தார்.  இந்தப் படத்தில் அவருடன் அபர்னா பாலமுரளியும் முக்கிய வேடத்தில் நடித்துள்ளார். ரசு ரஞ்சித் இயக்கிய, இந்தப் படம் கடந்த மார்ச் மாதம் வெளியாகியிருந்தது. 

இதனையடுத்து சூர்யா - ஜோதிகா இணைந்து தயாரித்து, ஞானவேல் இயக்கியுள்ள ஜெய் பீம் படத்திலும் லிஜோமோல் முக்கிய வேடத்தில் நடித்துள்ளார். இந்தப் படம் நவம்பர் 2 தீபாவளியை முன்னிட்டு வெளியாகவுள்ளது. 

இதையும் படிக்க | இயக்குநர் ராம் - நிவின் பாலி இணையும் திரைப்படத்தின் படப்பிடிப்பு தொடக்கம்

இந்த நிலையில் லிஜோமோலுக்கு அருண் ஆண்டணி என்பவருடன் கிறிஸ்தவ முறைப்படி திருமணம் நடைபெற்றது. திருமணத்தில் அவரது நெருங்கிய உறவினர்கள் மற்றும் நண்பர்கள் கலந்துகொண்டனர். திருமணத்தின் போது எடுக்கப்பட்ட புகைப்படங்கள் வைரலாகி வருகின்றன.