’நான் ஆட்டத்தை ஆரம்பிச்சுட்டேன்’ வெளியானது வலிமை கிளிம்ப்ஸ் விடியோ
போனி கபூர் மற்றும் ஜி ஸ்டூடியோஸ் தயாரிப்பில் நடிகர் அஜித் நடிப்பில் எச்.வினோத் இயக்கத்தில் 'நேர்கொண்ட பார்வை' படத்திற்கு பின் இருவரும் இணைத்திருக்கும் திரைப்படம் வலிமை.
இரண்டு வருடங்களுக்கு மேலாக தயாரிப்பில் இருந்த இப்படத்தின் முதல் பார்வை ரசிகர்களின் கொந்தளிப்பிற்கு பின் வெளியானாலும் நல்ல வரவேற்பை பெற்றதுடன் சமூக வலைதளங்களில் தொடர்ந்து வைரலாகி வந்தது.
இதையும் படிக்க | பிரபல ஹிந்தி கதாநாயகனுடன் இணையும் விஜய் சேதுபதி !
பின் கடந்த ஆக-2 ஆம் தேதி அப்படத்தின் முதல் பாடலான 'வேற லெவல்' பாடலை படத்தின் இசையமைப்பாளர் யுவன் சங்கர் ராஜா வெளியிட்டார். வெளியானதிலிருந்து தற்போது வரை 2.5 கோடி பார்வையாளர்களைக் கடந்து சென்றுகொண்டிருக்கிறது.
இந்நிலையில் இன்று (செப்-23) மாலை 6.30க்கு வலிமை படத்தின் ’கிளிம்ப்ஸ்’ விடியோ என்கிற பெயரில் சில முன்னோட்டங்களைப் படக்குழு வெளியீடு செய்திருக்கிறார்கள்.
அதிரடி காட்சிகளால் உருவாக்கப்பட்ட இந்த விடியோ வைரலாகி வருகிறது.
இப்படம் அடுத்த வருடம் (2022) பொங்கல் அன்று திரைக்கு வரும் என படத்தின் தயாரிப்பாளர் போனி கபூர் தெரிவித்திருக்கிறார்.