சமீபத்தில் ஒரு பேட்டியில் வலிமை டிரெய்லர் விரைவில் வெளியாகும் என்று இயக்குநர் வினோத் தெரிவித்திருந்தார். படம் பொங்கலுக்கு வெளியாகும் நிலையில் டிரெய்லர் எப்பொழுது வெளியாகும் என்ற எதிர்பார்ப்பு ரசிகர்களிடையே உருவானது.
இந்த நிலையில் வலிமை டிரெய்லர் இன்று (வியாழக்கிழமை) மாலை 6.30 மணிக்கு வெளியாகும் என்று அறிவிக்கப்பட்டுள்ளது. பொதுவாக நடிகர் அஜித் படங்கள் குறித்த தகவல்கள், டீசர்கள், டிரெய்லர்கள் அனைத்தும் வியாழக்கிழமை தான் வெளியாகும். அந்த வகையில் இந்த டிரெய்லரும் வியாழக்கிழமை வெளியாகவுள்ளது குறிப்பிடத்தக்கது.
இதையும் படிக்க | மீண்டும் 'கனா காணும் காலங்கள்' - இந்த முறை விஜய் டிவியில் இல்லை
யுவன் ஷங்கர் ராஜா இசையில் இரண்டு பாடல்கள் மற்றும் விசில் தீம் ஏற்கனவே வெளியாகி ரசிகர்களைக் கவர்ந்தது. நீரவ் ஷா இந்தப் படத்துக்கு ஒளிப்பதிவு செய்துள்ளார். போனி கபூர் இந்தப் படத்தை தயாரித்துள்ளார்.