ஆர்யன் கான் ஜாமீன் மனு: அக். 20-க்கு தீர்ப்பு ஒத்திவைப்பு

பாலிவுட் நடிகர் ஷாருக் கான் மகன் ஆர்யன் கான் ஜாமீன் மனு மீதான விசாரணை நிறைவடைந்த நிலையில் அக்டோபர் 20-ம் தேதிக்குத் தீர்ப்பு ஒத்திவைக்கப்பட்டுள்ளது.

மும்பையை அடுத்த கடல் பகுதியில் நிறுத்தப்பட்டிருந்த சொகுசுக் கப்பலில் நடைபெற்ற கேளிக்கை விருந்தின்போது தடை செய்யப்பட்ட போதைப் பொருளைப் பயன்படுத்தியதாக ஆர்யன் கான் கடந்த 3-ம் தேதி கைது செய்யப்பட்டார். இதைத் தொடர்ந்து, கடந்த வாரம் சிறப்பு நீதிமன்றத்தில் ஜாமீன் மனு தாக்கல் செய்யப்பட்டது.

இதையும் படிக்க | 2024ல் ராவணன் முழுமையாக எரிக்கப்படுவார்: சிவசேனை

இந்த மனு வியாழக்கிழமை மீண்டும் விசாரணைக்கு வந்தது. அப்போது போதைப் பொருள் தடுப்புப் பிரிவு மற்றும் ஆர்யன் கான் தரப்பு வழக்கறிஞர்களின் வாதத்தைக் கேட்ட சிறப்பு நீதிபதி விவி பாட்டீல், தீர்ப்பை அக்டோபர் 20-ம் தேதிக்கு ஒத்திவைத்தார்.