செல்வராகவன் இயக்கும் நானே வருவேன் படத்தில் தனுஷுக்கு ஜோடியாக இந்துஜா நடிக்கவுள்ளதாக தகவல் வெளியாகியுள்ளது.
செல்வராகவன் - தனுஷ் கூட்டணியில் உருவான துள்ளுவதோ இளமை, காதல் கொண்டேன், புதுப்பேட்டை, மயக்கம் என்ன ஆகியப் படங்கள் காலம் கடந்தும் மக்கள் மனதில் நீங்கா இடத்தை பிடித்துள்ன. யாரடி நீ மோகின் திரைப்படம் கூட தெலுங்கில் செல்வராகவன் இயக்கிய படத்தின் தமிழ் தழுவல் தான். எனவே அதனையும் சேர்த்துக்கொண்டால் இருவர் கூட்டணியில் 5 படங்கள் வெளியாகியுள்ளன.
இதையும் படிக்க | சிம்புவின் மாநாடு படம் வெளியாவதில் சிக்கல் ? : பரபரப்பு தகவல்
தற்போது 6வது முறையாக செல்வராகவன் - தனுஷ் கூட்டணி நானே வருவேன் படத்துக்காக இணைந்துள்ளன. இந்தப் படப்பிடிப்பு இன்று (அக்டோபர் 16) முதல் ஒரே கட்டமாக நடைபெறுகிறது. இதனையடுத்து இன்று படத்தின் பூஜை நடைபெற்றது. பூஜையின் போது எடுக்கப்பட்ட புகைப்படத்தில் தயாரிப்பாளர் தாணு, இயக்குநர் செல்வராகவன், தனுஷ், கஸ்தூரி ராஜா, தனுஷின் அம்மா, நடிகை இந்துஜா ஆகியோர் இடம் பெற்றுள்ளனர்.
இதனையடுத்து இந்தப் படத்தில் தனுஷுக்கு ஜோடியாக இந்துஜா நடிக்கவுள்ளதாக தகவல் வெளியாகியுள்ளது. முதலில் இந்தப் படத்தின் தலைப்பு மாற்றப்படுவதாக கூறப்பட்ட நிலையில், நானே வருவேன் என்ற தலைப்புடனேயே இன்று புதிய போஸ்டர் வெளியாகியுள்ளது.