சென்னையில் தொடங்கும் ஜெயிலர் படப்பிடிப்பு?

நடிகர் ரஜினிகாந்த் நடிக்கும் ஜெயிலர் திரைப்படத்தின் படப்பிடிப்பு ஆகஸ்ட் 22ஆம் தேதி சென்னையில் தொடங்க உள்ளதாக தகவல் வெளியாகியுள்ளது.

இயக்குநர் நெல்சன் இயக்கத்தில் நடிகர் ரஜினிகாந்த் நடிக்கும் திரைப்படம் 'ஜெயிலர்'. இந்தப் படத்திற்கு அனிருத் இசையமைக்கிறார்.

இதையும் படிக்க | பயணிகளின் தரவுகளை தனியாருக்கு விற்கும் இந்தியன் ரயில்வே?

கே.எஸ்.ரவிக்குமார், ரம்யா கிருஷ்ணன், ஐஸ்வர்யா ராய், பிரியங்கா மோகன் என பெரிய நட்சத்திரப் பட்டாளங்களே நடிக்கு இந்த திரைப்படத்தின் படப்பிடிப்பு தேதி குறித்த பல்வேறு தகவல்கள் இணையத்தில் உலாவி வந்தன. 

இந்நிலையில் ‘ஜெயிலர்' படத்தின் படப்பிடிப்பு ஆகஸ்ட் 22ஆம் தேதி சென்னையில் தொடங்க உள்ளதாக தகவல் வெளியாகியுள்ளது.  எனினும் இதுதொடர்பான அதிகாரப்பூர்வமான தகவல் விரைவில் வெளியாகும் என எதிர்பார்க்கப்படுகிறது.