விஷால் தனது விஷால் ஃபிலிம் ஃபேக்டரி சார்பாக தயாரித்து நடித்து வரும் படம் வீரமே வாகை சூடும். இந்தப் படத்தை து.பா.சரவணன் இயக்குகிறார். யுவன் ஷங்கர் ராஜா இந்தப் படத்துக்கு இசையமைக்கிறார். இந்தப் படம் வருகிற ஜனவரி 26 ஆம் தேதி வெளியாகும் என்று அறிவிக்கப்பட்டிருந்தது.
கரோனா மற்றும் ஒமைக்ரான் பரவல் காரணமாக திரையரங்குகளில் 50 சதவிகித பார்வையாளர்களுக்கு மட்டுமே அனுமதி அளித்துள்ளனர். இதனால் பொங்கலுக்கு வலிமையுடன் வெளியாகவிருந்த ராஜமௌலியின் ஆர்ஆர்ஆர் படத்தின் ரிலீஸ் தேதி தள்ளி வைக்கப்பட்டது. மேலும் பிரபாஸின் ராதே ஷ்யாம் படமும் தள்ளிப்போக அதிக வாய்ப்பிருப்பதாக கூறப்படுகிறது.
இதையும் படிக்க | எதிர்பாராததை எதிர்பாருங்கள்: பிக் பாஸ் வீட்டிற்குள் சரத் குமார்!
இதனையடுத்து பொங்கலுக்கு வலிமை படம் மட்டும் தனியாக வெளியாக அதிக வாய்ப்பிருப்பதால், விஷால் தனது வீரமே வாகை சூடும் படத்தை வெளியிட திட்டமிட்டுள்ளாராம். வலிமை திரைப்படம் வருகிற 13 ஆம் தேதி வெளியாகவுள்ள நிலையில் இந்தப் படம் 14 ஆம் தேதி வெளியாகலாம் என்று கூறப்படுகிறது. இதுகுறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.