யூடியூபில் வெளியான விஷாலின் 'வீரமே வாகை சூடும்' படக் காட்சி

விஷாலின் வீரமே வாகை சூடும் படத்தின் காட்சி ஒன்று யூடியூபில் வெளியாகி வைரலாகி வருகிறது.

Updated On :31 ஜனவரி 2022, 1:21 pm

விஷால் தனது விஷால் ஃபிலிம் ஃபேக்டரி சார்பாக தயாரித்து நடித்துள்ள வீரமே வாகை சூடும் படம் வருகிற பிப்ரவரி 4 ஆம் தேதி திரைக்குவரவிருக்கிறது. இந்தப் படத்தை து.பா.சரவணன் இயக்கியுள்ளார்.

யுவன் ஷங்கர் ராஜா இசையமைத்துள்ள இந்தப் படத்துக்கு கவின் ராஜ் ஒளிப்பதிவு செய்துள்ளார். இந்தப் படத்தின் டீசர் மற்றும் டிரெய்லர் ஏற்கனவே வெளியாகி நல்ல வரவேற்பை பெற்றுள்ளது.

இதையும் படிக்க | உதயநிதி வெளியிடும் விஷ்ணு விஷால் - கௌதம் மேனனின் ஃஎப்ஐஆர்: வெளியீட்டுத் தேதி அறிவிப்பு

இந்தப் படத்தில் விஷாலுக்கு ஜோடியாக டிம்பிள் ஹயாதி நடிக்க, யோகி பாபு, பாபு ராஜ், குமாரவேல், ரவீனா ரவி, மாரிமுத்து, ஆர்என்ஆர் மனோகர், கவிதா பாரதி, துளசி ஆகியோர் முக்கிய வேடங்களில் நடித்துள்ளனர். இந்த நிலையில் இந்தப் படத்தில் இருந்து சில நிமிட காட்சி இணையத்தில் வெளியாகியுள்ளது.