கிரிக்கெட் விளையாடிக்கொண்டிருந்த ஹிந்தி நடிகர் திபேஷ் பன் மாரடைப்பால் மரணம் அடைந்த சம்பவம் ரசிகர்களிடையே அதிர்ச்சியை ஏற்படுத்தியுள்ளது.
ஹிந்தி தொடர்களில் நகைச்சுவை வேடத்தில் நடித்து ரசிகர்களைப் பெரிதும் கவர்ந்தவர் திபேஷ் பன். குறிப்பாக இவர் நடித்த பாபிஜி கர் பர் ஹேன் என்ற தொடர் இன்றளவும் ரசிகர்கள் மத்தியில் மறக்க முடியாத தொடராக இருந்து வருகிறது.
இதையும் படிக்க | தேசிய விருது ஊக்கத்தைத் தருகிறது: நடிகா் சூா்யா
இந்த நிலையில் இவர் சமீபத்தில் மும்பையில் நண்பர்களுடன் கிரிக்கெட் விளையாடிக்கொண்டிருந்த திபேஷ் திடீரென மயங்கி விழுந்துள்ளார்.
உடனடியாக அவரை அவரது நண்பர்கள் அருகில் உள்ள தனியார் மருத்துவமனைக்கு அழைத்து சென்றுள்ளனர். அப்போது திபேஷை பரிசோதித்த மருத்துவர்கள் அவர் மாரடைப்பால் ஏற்கனவே இறந்துவிட்டதாக தெரிவித்துள்ளனர். திபேஷின் மறைவு செய்தி சின்னத்திரை பிரபலங்கள் மற்றும் ரசிகர்களிடையே அதிர்ச்சியை ஏற்படுத்தியுள்ளது.