துல்கர் சல்மானின் 'சீதா ராமம்' பட டிரெய்லரை வெளியிட்ட கார்த்தி

துல்கர் சல்மானின் சீதா ராமம் பட டிரெய்லரை நடிகர் கார்த்தி வெளியிட்டார். 

துல்கர் சல்மான் நடிப்பில் உருவாகியுள்ள சீதா ராமம் திரைப்படம் தெலுங்கு, தமிழ், மலையாளம் மொழிகளில் உருவாகியுள்ளது. இந்தப் படத்தின் தெலுங்கு டிரெய்லர் ஏற்கனவே வெளியான நிலையில் தற்போது தமிழ் டிரெய்லர் வெளியாகியுள்ளது. 

இதனை நடிகர் கார்த்தி தனது ட்விட்டர் பக்கத்தின் வாயிலாக வெளியிட்டுள்ளார். இந்தப் படத்தில் துல்கர் சல்மானுக்கு ஜோடியாக மிருணாள் தாக்கூர் நடிக்க, ராஷ்மிகா ஒரு முக்கியமான வேடத்தில் நடித்துள்ளார். தற்போது வெளியாகியுள்ள டிரெய்லரானது படத்தின் மீதான எதிர்பார்ப்பை அதிகரித்துள்ளது. 

இதையும் படிக்க |  'என் அப்பா இறந்த தருணத்தில்....' - சூரரைப் போற்று குறித்து இயக்குநர் சுதா கொங்கரா உருக்கம்​

விஷால் சந்திரசேகர் இசையில் இந்தப் படத்திலிருந்து பாடல்கள் ஏற்கனவே வெளியாகி நல்ல வரவேற்பைப் பெற்றுள்ளன. இந்தப் படத்தை ஸ்வப்னா சினிமா மற்றும் வைஜெயந்தி மூவிஸ் தயாரிக்க, லைகா புரொடக்ஷன்ஸ் நிறுவனம் வெளியிடுகிறது. ஹனு ராகவபுடி இந்தப் படத்தை இயக்கியுள்ளார்.