நாளை (மார்ச்.10) வெளியாகிறது குதிரைவால் திரைப்படத்தின் டிரைலர்

நடிகர்கள் கலையரசன், அஞ்சலி ஆகியோர் நடித்துள்ள குதிரைவால் திரைப்படத்தின் டிரைலர் நாளை வெளியாகும் என படக்குழு அறிவித்துள்ளது.

இயக்குநர் பா.ரஞ்சித்தின் நீலம் புரொடக்‌ஷன் பல்வேறு திரைப்படங்களைத் தயாரித்து வெளியிட்டு வருகிறது. பரியேறும் பெருமாள், மூன்றாம் உலகப்போரின் கடைசி குண்டு, சார்பட்டா பரம்பரை, ரைட்டர் உள்ளிட்ட திரைப்படங்கள் வெளியாகி நல்ல வரவேற்பையும் கவனத்தையும் பெற்றன.

இதையும் படிக்க | சென்னை துறைமுகத்தின் ரூ.45 கோடி மோசடி வழக்கு: 11 பேர் கைது

இந்நிலையில் நடிகர்கள் கலையரசன், அஞ்சலி நடிப்பில் நீலம் புரொடக்‌ஷன் தயாரித்துள்ள திரைப்படம் குதிரைவால். மனோஜ் வில்லியம்ஸ் மற்றும் ஷாம் சுந்தர் இயக்கியுள்ள இந்தத் திரைப்படமான சர்வதேச விருதுகளை வென்று கவனத்தை ஈர்த்தது.

ஏற்கெனவே இந்த திரைப்படத்தின் வெளியீட்டு தேதி அறிவிக்கப்பட்டிருந்த நிலையில் நாளை இத்திரைப்படத்தின் டிரைலர் வெளியாக உள்ளதாக படக்குழு அறிவித்துள்ளது.