சீனுராமசாமி இயக்கத்தில் விஜய் சேதுபதி நடித்துள்ள 'மாமனிதன்' படம் வருகிற மே 6 ஆம் தேதி திரைக்கு வரும் என்று அறிவிக்கப்பட்டுள்ளது. இந்தப் படத்தை யுவன் ஷங்கர் ராஜா தனது ஒய்எஸ்ஆர் ஸ்டுடியோஸ் சார்பாக தயாரித்துள்ளார்.
தர்மதுரை படத்துக்கு பிறகு இயக்குநர் சீனு ராமசாமி, விஜய் சேதுபதி, யுவன் ஷங்கர் ராஜா கூட்டணி இணைந்துள்ளதால் இந்தப் படத்தின் மீதான எதிர்பார்ப்பு அதிகரித்துள்ளது. இந்தப் படத்துக்கு இளையாராஜாவுடன் இணைந்து யுவன் ஷங்கர் ராஜா இசையமைத்துள்ளார்.
இதையும் படிக்க | விசு நினைவு தினம்: காலத்தால் அழியாத ‘சம்சாரம் அது மின்சாரம்’
இந்தப் படத்தை ஸ்டுடியோ 9 சார்பாக ஆர்.கே.சுரேஷ் வெளியிடுகிறார். இவர்தான் தர்மதுரை படத்தின் தயாரிப்பாளர் என்பது குறிப்பிடத்தக்கது. இந்தப் படத்துக்கு சுகுமார் ஒளிப்பதிவு செய்துள்ளார். இந்தப் படத்திலிருந்து தட்டிப்புட்டா மற்றும் நினச்சதொன்னு பாடல்கள் ஏற்கனவே வெளியாகி நல்ல வரவேற்பை பெற்று வருகின்றன.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.