சந்திரமுகி 2 படத்தில் இணைந்த நடிகை கங்கனா ரணாவத்

சந்திரமுகி 2 திரைப்படத்தில் நடிகை கங்கனா ரணாவத் இணைந்துள்ளதாக படக்குழு அறிவித்துள்ளது. 
சந்திரமுகி 2 படத்தில் இணைந்த நடிகை கங்கனா ரணாவத்

சந்திரமுகி 2 திரைப்படத்தில் நடிகை கங்கனா ரணாவத் இணைந்துள்ளதாக படக்குழு அறிவித்துள்ளது. 

கடந்த 2005 ஆம் ஆண்டு ரஜினிகாந்த் நடிப்பில் பி.வாசு இயக்கத்தில் வெளியான சந்திரமுகி படத்தின் இரண்டாம் பாகத்தில் ராகவா லாரன்ஸை வைத்து பி.வாசு இயக்குகிறார். சந்திரமுகி-1 திரைப்படம் 200 நாட்களுக்கு மேல் திரையரங்குகளில் காட்சிப்படுத்தப்பட்டு பெரும் வெற்றி பெற்றதோடு மிக அதிகமான வசூலையும் குவித்தது குறிப்பிடத்தக்கது.  

லைகா புரடக்ஷன் தயாரிப்பில் நடிகர் ராகவா லாரன்ஸ் நடிப்பில் உருவாகும் இப்படத்திற்கு எம்.எம்.கீரவாணி இசையமைக்கிறார். ஆர்.டி.ராஜசேகர் ஒளிப்பதிவு செய்கிறார். கலை - தோட்டா தரணி.  மேலும், நகைச்சுவை நடிகர் வடிவேலு முக்கியக் கதாபாத்திரத்தில் நடிக்கிறார்.

இந்நிலையில் தமிழில் தாம்தூம் திரைப்படத்தில் நடித்த கங்கனா ரணாவத் தற்போது சந்திரமுகி 2 திரைப்படத்தில் இணைந்துள்ளார். இதற்கான அறிவிப்பை படக்குழுவினர் வெளியிட்டுள்ளனர்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com