நகைச்சுவை நடிகர் சதீஷ் கதாநாயகனாக நடித்துள்ள நாய் சேகர் திரைப்படம் பொங்கலை முன்னிட்டு வருகிற ஜனவரி 13 ஆம் தேதி திரையரங்குகளில் வெளியாகிறது. இந்தப் படத்தின் டீசர் சமீபத்தில் வெளியாகி படத்தின் மீதான எதிர்பார்ப்பை அதிகரித்திருந்தது.
இந்தப் படத்தில் நடிகர் சதீஷிற்கு ஜோடியாக குக் வித் கோமாளி மூலம் பிரபலமான பவித்ர லக்ஷ்மி நடிக்கிறார். இந்தப் படத்தில் ஒரு பாடலுக்கு மட்டும் அனிருத் இசையமைக்க, மற்ற பாடல்கள் மற்றும் பின்னணி இசையை அஜீஷ் அமைத்துள்ளார்.
இந்தப் படத்தில் சங்கர் கணேஷ், மரியன், லிவிங்ஸ்டன், இளவரசு, ஸ்ரீமன், ஞானசமந்தம், மனோபாலா, கேபிஒய் பாலா உள்ளிட்டோர் முக்கிய வேடங்களில் நடித்துள்ளனர். இந்தப் படத்தில நாய்க்கு நடிகர் மிர்ச்சி சிவா குரல் கொடுத்துள்ளார்.
இந்தப் படத்தை கேஜிஎஸ் எண்டர்டெயின்மென்ட் நிறுவனம் தயாரிக்க கிஷோர் ராஜ்குமார் இயக்கியுள்ளார். இந்தப் படத்திலிருந்து ஜி.வி.பிரகாஷ் குமார் பாடிய 90ஸ் கிட் என்ற பாடல் தற்போது வெளியாகியுள்ளது. இந்தப் பாடலை இயக்குநர் கிஷோர் ராஜ்குமார் எழுதியுள்ளார்.