நடிகர் கமல்ஹாசன் சமீபத்தில் கரோனா பாதிப்பின் காரணமாக மருத்துவமனையில் அனுமதிக்கப்பட்டார். இதனையடுத்து அவர் தொகுத்து வழங்கிய பிக்பாஸ் நிகழ்ச்சியை அவருக்கு பதிலாக நடிகை ரம்யா கிருஷ்ணன் தொகுத்து வழங்கினார்.
கரோனாவில் இருந்து முற்றிலும் குணமான கமல்ஹாசன் மீண்டும் பிக்பாஸ் நிகழ்ச்சியைத் தொகுத்து வழங்கினார். விக்ரம் படப்பிடிப்பிலும் கலந்துகொண்டார். மேலும் நேற்றைய தினம் (ஜனவரி 16) பிக்பாஸ் நிகழ்ச்சியின் இறுதி நிகழ்வில் கலந்துகொண்டார்.
இந்த நிலையில் இன்று அவர் சென்னையில் உள்ள தனியார் மருத்துவமனையில் அனுமதிக்கப்பட்டுள்ளதாக தகவல் வெளியாகியுள்ளது. வழக்கமான மருத்துவ பரிசோதனைக்காக அனுமதிக்கப்பட்டுள்ள அவர் இன்று மாலை வீடு திரும்புவார் என்று கூறப்படுகிறது.