தனி ஒருவன் படத்தில் இணைந்து நடித்த நயன்தாராவும் ஜெயம் ரவியும் மீண்டும் சேர்ந்து நடிக்கும் இறைவன் திரைப்படத்துக்கு இசையமைக்கிறார் ஹாரிஸ் ஜெயராஜ்.
இந்தப் படத்தை இயக்குபவர் என்றென்றும் புன்னகையின் இயக்குநர் ஐ. அஹமது. ஏற்கெனவே, இந்தப் படத்துக்கும் இசை அமைத்தவரான ஹாரிஸ் ஜெயராஜ், இப்போது இறைவனுக்காகவும் மீண்டும் இணைந்திருக்கிறார்.
முனைப்பாக நடைபெறும் இந்தப் படத்தின் ஷூட்டிங்கில் முதல் ஷெட்யூல் புதுச்சேரியில் எடுத்து முடிக்கப்பட்டுவிட்டது.
இதையும் படிக்க | அடுத்து சமந்தாவின் த்ரில்லர் யசோதா!
படத்தின் அடுத்த ஷெட்யூல் படப்பிடிப்பு இந்த வாரத்தில் தொடங்கிவிடும் என்றும் விரைவில், அனேகமாக வார இறுதியில் நாயகி நயன்தாராவும் படப்பிடிப்பில் பங்கேற்பார் என்றும் தகவலறிந்த வட்டாரங்கள் தெரிவிக்கின்றன.