பிரபல திரைப்பட தயாரிப்பாளர் ஃபைவ் ஸ்டார் கதிரேசன் இயக்குநராக அறிமுகமாகியிருக்கும் படம் ருத்ரன். ராகவா லாரன்ஸ் இந்தப் படத்தில் நாயகனாக நடிக்கிறார்.
ருத்ரன் படத்தில் ராகவா லாரன்ஸ்க்கு ஜோடியாக பிரியா பவானி ஷங்கர் நடிக்கிறார். ஜி.வி.பிரகாஷ் இந்தப் படத்துக்கு இசையமைக்கிறார். இந்தப் படத்துக்கு கே.பி.திருமாறன் கதை, திரைக்கதை எழுதுகிறார்.
ஆர்.டி.ராஜசேகர் இந்தப் படத்துக்கு ஒளிப்பதிவு செய்துள்ளார். இந்தப் படத்தில் சரத்குமார் முக்கிய வேடத்தில் நடிக்கவிருப்பதாக தகவல் வெளியானது. இந்த நிலையில் இந்தப் படத்தில் சரத்குமார் வில்லனாக நடிக்கிறாராம்.
ராகவா லாரன்ஸ் மற்றும் சரத்குமார் இணைந்து நடித்த காஞ்சனா திரைப்படம் பெரும் வெற்றிபெற்றது குறிப்பிடத்தக்கது. ருத்ரன் திரைப்படம் முதலில் இந்த ஆண்டு ஏப்ரல் 14 ஆம் தேதி வெளியாகும் என்று அறிவிக்கப்பட்டிருந்தது. இந்த நிலையில் இந்தப் படத்தின் புதிய வெளியீட்டுத் தேதி விரைவில் வெளியிடப்படும் என்று எதிர்பார்க்கப்படுகிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.