'நானும் ரௌடி தான்' படத்துக்கு பிறகு விக்னேஷ் சிவன் இயக்கத்தில் விஜய் சேதுபதி, நயன்தாரா இணைந்து நடித்திருக்கும் படம் 'காத்துவாக்குல ரெண்டு காதல்'. இந்தப் படத்தில் மற்றொரு நாயகியாக சமந்தாவும் நடித்துள்ளார்.
அனிருத் இசையில் இந்தப் படத்திலிருந்து டுடுடு, நான் பிழை பாடல்கள் மற்றும் பட டீசர் ஏற்கனவே வெளியாகி படத்தின் மீதான எதிர்பார்ப்பை அதிகரித்துள்ளது. இந்தப் படம் வருகிற ஏப்ரல் 28 ஆம் தேதி வெளியாகும் என்று அறிவிக்கப்பட்டுள்ளது.
படப்பிடிப்பு நிறைவு
இந்த நிலையில் இந்தப் படத்தின் படப்பிடிப்புகள் முழுவதும் முடிவடைந்துள்ளது. இதனை படக்குழு கேக் வெட்டிக்கொண்டாடியுள்ளனர். நடிகை சமந்தாவுக்கு நயன்தாரா கேக் ஊட்டி விட அருகில் விக்னேஷ் சிவனும், விஜய் சேதுபதியும் கைதட்டி மகிழும் புகைப்படத்தை விக்னேஷ் சிவன் இன்ஸ்டாகிராமில் பகிர்ந்துள்ளார்.
இதையும் படிக்க | ஏப். 2ஆம் தேதி 'பீஸ்ட்' டிரைலர்: அதிகாரப்பூர்வ அறிவிப்ப
என்னுடைய தங்கமே
இயக்குநர் விக்னேஷ் சிவனின் ''பதிவில், இதற்காக கடவுளுக்கு நன்றி. திறமையான நடிகர்களுடன் பணிபுரிய வேண்டும் என்பது ஒவ்வொரு இயக்குநரின் கனவு. என்னுடைய கதையை திரையில் கொண்டுவருவதற்கு இதனை விட சிறப்பான நடிகர்களைக் கேட்க முடியாது.
சிறந்த விஜய் சேதுபதி. எப்பொழுதும் அழகான, திறமையான நயன்தரா என்னுடைய தங்கமே. அழகான மிக சிறந்த நடிகையான சமந்தா. இந்தப் படம் சிறப்பாக உருவானதற்கு காரணமான இந்த அனைவராலும் நான் மிகவும் மகிழ்ச்சியாகவும் பெருமையாகவும் உணர்கிறேன்.
இந்தப் படத்தில் பணிபுரிந்த ஒவ்வொரு நாளும் ஒவ்வொரு நிமிடமும் நீண்ட நாட்களுக்கு நிலைத்திருக்கும். நன்றி அழகான மக்களே'' என்று குறிப்பிட்டுள்ளார்.
இதையும் படிக்க | சவால்விட்ட நடிகருக்கு விடியோ மூலம் பதிலளித்த சமந்தா
சமந்தா தனது இன்ஸ்டாகிராம் பக்கத்தில், ''காத்துவாக்குல ரெண்டு காதல்' படத்தின் படப்பிடிப்பு நிறைவு பெற்றது. நீங்கள் வயிறு வலிக்க சிரிப்பதற்காக காத்திருக்கிறேன். படம் ஏப்ரல் 28 ஆம் தேதி வெளியாகிறது'' என்று குறிப்பிட்டுள்ளார்.
நயன்தாரா அளித்த பரிசு
மேலும் நயன்தாரா தனக்கு அளித்த கம்மல் பரிசுடன், அன்புள்ள கடிஜா, காதலுடன் கண்மனி என்ற குறிப்பையும் புகைப்படமாக பகிர்ந்து, நன்றி டார்லிங் நயன் என்று பகிர்ந்துள்ளார்.