கார்த்தி நடிப்பில் வெளியான ‘சர்தார்’ திரைப்படத்தின் வசூல் குறித்து தகவல் வெளியாகியுள்ளது.
பி.எஸ்.மித்ரன் இயக்கத்தில் கார்த்தி நடித்துள்ள சர்தார் திரைப்படம் வெற்றிகரமாக திரையரங்குகளில் ஓடிக்கொண்டிருக்கிறது. தீபாவளியை முன்னிட்டு வெளியானதால் கூடுதலாக இப்படத்தின் மீதான எதிர்பார்ப்பு அதிகரித்திருந்தது.
இந்நிலையில், இந்தப் படம் இதுவரை ரூ.60 கோடிக்கும் அதிகமாக வசூலித்துள்ளதாக தகவல்கள் வெளியாகியுள்ளன.
இதையும் படிக்க | சமந்தாவின் ‘யசோதா’ டிரைலர் வெளியீடு
படத்தை தயாரித்த பிரின்ஸ் பிக்சர்ஸ் நிறுவனம் மற்றும் விநியோகித்த ரெட் ஜெயண்ட் மூவிஸ் நிறுவனங்களுக்கு இப்படம் நல்ல லாபத்தை கொடுத்ததால் சர்தார் படத்தின் இரண்டாம் பாகத்தை உருவாக்க தயாரிப்பு நிறுவனம் முடிவு செய்துள்ளது.
அதேநேரம் சர்தார் படத்துடன் போட்டியிட்ட சிவகார்த்திகேயனின் ‘பிரின்ஸ்’ திரைப்படம் கடுமையான விமர்சனங்களைப் பெற்றதால் வசூல் ரீதியாக சரிவைச் சந்தித்துள்ளது.