ஹிந்தியில் உருவான ‘விக்ரம் வேதா’ திரைப்படத்திற்கு புதிய சிக்கல் எழுந்துள்ளது.
விஜய் சேதுபதி, மாதவன் நடித்த விக்ரம் வேதா படம் 2017-ல் வெளியாகி நல்ல வரவேற்பைப் பெற்றது.
இந்தப் படம் தற்போது ஹிந்தியில் ரீமேக் செய்யப்பட்டுள்ளது. தமிழில் படத்தை இயக்கிய புஷ்கர் - காயத்ரி ஹிந்தியிலும் இயக்கியுள்ளார்கள்.
ஹிருதிக் ரோஷன், சயிஃப் அலி கான், ராதிகா ஆப்தே போன்றோர் நடிப்பில் உருவான இப்படம் நாளை மறுநாள் (செப்.30) அன்று வெளியாகவுள்ளது. அதே நாளில் பொன்னியின் செல்வன் திரைப்படமும் வெளியிடப்பட உள்ளது.
இந்நிலையில், சமீப காலமாக பாலிவுட் படங்களுக்கு எதிராக டிவிட்டரில் புறக்கணிப்பை நிகழ்த்தி வரும் ரசிகர்கள் மீண்டும் ‘விக்ரம் வேதா’ திரைப்படத்தையும் புறக்கணிப்பதாக ‘பாய்காட் விக்ரம்வேதா’ என்கிற ஹாஷ்டேக்கை டிரண்ட் செய்து வருகிறார்கள்.
தடை செய்வதற்கான காரணமாக மறைந்த நடிகர் சுஷாந்த் சிங்கின் தற்கொலையைச் சுட்டியுள்ளனர்.
முன்னதாக, ‘ரக்ஷாபந்தன்’ ‘லால்சிங் சத்தா’ உள்ளிட்ட படங்கள் புறக்கணிப்பைச் சந்தித்து வணிக ரீதியாக மிகப்பெரிய தோல்விப்படமாக அமைந்தன.
தற்போது, ‘விக்ரம் வேதா’விற்கும் இப்பிரச்னை எழுந்துள்ளதால் படக்குழுவினர் கலக்கத்தில் உள்ளனர்.