நடிகர் மம்மூட்டியின் தாயார் பாத்திமா இஸ்மாயில் காலமானார்

நடிகர் மம்மூட்டியின் தாய் பாத்திமா இஸ்மாயில்(93) வயது மூப்பு மற்று உடல்நலக் குறைவு காரணமாக வெள்ளிக்கிழமை காலமானார்.

மலையாள திரையுலகின் முன்னணி நடிகர் மம்முட்டியின் தாயார் பாத்திமா இஸ்மாயில் (93), வயது முதிர்வு மற்றும் உடல் நலக் குறைவு காரணமாக கொச்சியில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்தார். 

இந்நிலையில், வெள்ளிக்கிழமை காலை சிகிச்சை பலனின்றி உயிரிழந்தார். 

இவர் கோட்டயம் செம்பை பாணபரம்பி மறைந்த இஸ்மாயில் என்பவரின் மனைவி.

நடிகர் இப்ராஹிம் குட்டி, ஜக்காரியா, அமினா, சவுதா மற்றும் ஷஃபீனா இவரது பிள்ளைகள். நடிகர்கள் துல்கர் சல்மான், அஷ்கர் சூடன் மற்றும் மக்பூல் சல்மான் ஆகியோரின் பாட்டி பாத்திமா இஸ்மாயில். 

பாத்திமா இஸ்மாயிலின் இறுதி சடங்கு வெள்ளிக்கிழமை மாலை 4 மணியளவில் செம்பை ஜமாத் பள்ளிவாசலில் நடைபெறும் என தெரிவிக்கப்பட்டுள்ளது. 

நடிகர் மம்மூட்டியின் தயார் மறைவு செய்தி அறிந்து திரையுல பிரபலங்கள், அரசியல் கட்சி தலைவர்கள், ரசிகர்கள் என பலரும் தங்களது இரங்கலையும், ஆறுதலையும் தெரிவித்து வருகின்றனர்.