லோகேஷ் கனகராஜ் இயக்கத்தில் நடிகர் விஜய் நடித்துள்ள லியோ படத்தில் த்ரிஷா, சஞ்சய் தத், அர்ஜுன், இயக்குநர்கள் மிஷ்கின், கௌதம் மேனன் உள்ளிட்ட பல பிரபலங்கள் நடித்துள்ளனர்.
இப்படம் வெளியீட்டிற்கு முன்பே ஓடிடி, இசை உரிமம், விநியோக உரிமம் என ரூ.350 கோடிக்கு மேல் வருவாய் ஈட்டியுள்ளதாகவும் கூறப்படுகிறது. லியோ படம் இந்தாண்டு அக்டோபர் மாதம் திரைக்கு வருகிறது.
அனிருத் இசையமைத்துள்ள இப்படத்தின் முதல் பாடலான 'நா ரெடி' விஜய் குரலில் வெளியாகி சமூக வலைதளங்களில் இன்றளவும் டிரெண்டிங்கில் இருக்கிறது.
இதையும் படிக்க | தோழியை மனைவியாக்கிய சின்னத்திரை நடிகர்!
சமீபத்தில், நடிகர்கள் சஞ்சய் தத் மற்றும் அர்ஜுன் ஆகியோரின் பிறந்தநாள்களை முன்னிட்டு சிறப்பு கிளிம்ப்ஸ் விடியோக்களை படக்குழு வெளியிட்டிருந்தது.
இதற்கிடையே, இப்படத்தில் நிவின் பாலியும் நடித்திருப்பதாக தகவல் பரவி வந்தது. இந்நிலையில், நேர்காணல் ஒன்றில் நிவினிடம், “நீங்கள் லியோவில் நடித்திருப்பதாக வதந்தி வெளியானது. உண்மையா?” எனக் கேள்வியெழுப்பப்பட்டது.
அதற்கு நிவின் பாலி, ‘அது வதந்தியாகவே இருக்கட்டும்’ எனப் பதிலளித்துள்ளார்.