இந்த வாரம் திரையரங்குகளில் வெளியாகும் படங்கள்!

நடிகர் ரஜினிகாந்த் நடிப்பில் வெளியான ஜெயிலர் படத்துக்குப் பிறகு பெரிதாக திரைப்படங்கள் வெளியாகவில்லை.

இந்த நிலையில், இந்த வாரம் திரையரங்குகளில் எந்தெந்த படங்கள் வெளியாக உள்ளன என்பதைக் காணலாம்.

அடியே

திட்டம் இரண்டு படத்தை இயக்கிய இயக்குநர் விக்னேஷ் கார்த்திக் இயக்கத்தில் உருவாகியுள்ள திரைப்படம் அடியே. இந்தப் படத்தில் ஜி.வி.பிரகாஷ் குமார் முதன்மை கதாபாத்திரத்தில் நடித்துள்ளார். கதாநாயகியாக கெளரி கிஷன் நடித்திருக்கிறார்.

மேலும், இயக்குநர் வெங்கட் பிரபு முக்கிய கதாபாத்திரத்தில் நடித்திருக்கிறார். இப்படத்திற்கு ஜஸ்டின் பிரபாகரன் இசையமைத்திருக்கிறார். 

அடியே திரைப்படம் நாளை (ஆக.25) திரைக்கு வர உள்ளது.

பாட்னர்

நடிகர் ஆதி - ஹான்சிகா நடித்துள்ள திரைப்படம் பாட்னர். இப்படத்தை மனோஜ் தாமோதரன் இயக்கியுள்ளார். யோகிபாபு முக்கிய கதாபாத்திரத்தில் நடித்துள்ளார். இப்படம் நாளை (ஆக.25) திரையரங்குகளில் வெளியாகவுள்ளது.

ஹர்காரா

ராம் அருண் இயக்கி நடித்துள்ள திரைப்படம்  ஹர்காரா. காளி வெங்கட் முக்கிய வேடத்தில் நடித்துள்ளார். இப்படம் நாளை (ஆக.25) திரைக்கு வரவுள்ளது.

கிங் ஆஃப் கோதா

ஜீ ஸ்டுடியோ மற்றும் வே ப்ரேர் நிறுவனங்களின் கூட்டுத் தயாரிப்பில் உருவாகி இருக்கும் படம் 'கிங் ஆஃப் கோதா'. 

இப்படத்தில் துல்கர் சல்மான், டான்சிங் ரோஸ் சபிர், பிரசன்னா, ஐஸ்வர்யா லட்சுமி, நைலா உஷா, செம்பன் வினோத், கோகுல் சுரேஷ் உள்ளிட்ட பல முன்னணி நட்சத்திரங்கள் இணைந்து நடித்துள்ளனர்.

அறிமுக இயக்குநர் அபிலாஷ் ஜோஷி இப்படத்தை எழுதி இயக்கியுள்ளார், ஷான் ரஹ்மான் மற்றும் ஜேக்ஸ் பிஜாய் இப்படத்திற்கு இசையமைத்துள்ளனர்.

இந்தப் படம் இன்று(ஆக.24) திரையரங்குகளில் வெளியானது.

இதையும் படிக்க: ஓடிடியில் வெளியானது பீட்சா 3