கேஜிஎஃப் - 2 திரைப்படத்தை தொடர்ந்து, இயக்குநர் பிரசாந்த் நீல் நடிகர் பிரபாஸை நாயகனாக வைத்து ‘சலார்’ படத்தை இயக்கியுள்ளார். இந்தப் படத்தில் ஸ்ருதி ஹாசன் நாயகியாக நடித்துள்ளார். பிருத்விராஜ் முக்கிய கதாபாத்திரத்தில் நடித்துள்ளார்.
சலார் திரைப்படம் டிச.22ஆம் தேதி உலகம் முழுவதும் வெளியானது. படம் ரசிகர்களிடையே கலவையான விமர்சனங்களைப் பெற்று வருகிறது. தமிழகத்தில் பெரிய வரவேற்பு இருக்கும் என எதிர்பார்க்கப்பட்ட நிலையில், சலார் திரைகளின் எண்ணிக்கை குறைந்துள்ளது.
இப்படம் முதல்நாளில் உலகளவில் ரூ.178.7 கோடி வசூலித்து 2023ஆம் ஆண்டில் வெளியான படங்களிலேயே முதல்நாள் வசூலில் முதலிடம் பெற்று அசத்தியது.
இந்நிலையில், இப்படம் ரூ.500 கோடியை வசூலித்துள்ளதாக படக்குழு அதிகாரப்பூர்வமாக அறிவித்துள்ளது.