பிரபல இயக்குநர் இயக்கத்தில் பிரதீப் ரங்கநாதன்

பிரபல இயக்குநர் இயக்கத்தில் பிரதீப் ரங்கநாதன் நடிக்க உள்ளதாக தகவல் வெளியாகியுள்ளது.

கல்பாத்தி எஸ்.அகோரம், கல்பாத்தி எஸ்.கணேஷ், கல்பாத்தி எஸ்.சுரேஷ் ஆகியோர் தயாரிப்பில் உருவான திரைப்படம் லவ் டுடே. பிரதீப் ரங்கநாதன் இந்தத் திரைப்படத்தை இயக்கி நாயகனாக நடித்திருந்தார்.

இளைய தலைமுறையினர் மத்தியில் மிகப்பெரிய வரவேற்பைப் பெற்ற இத்திரைப்படம் ரூ.100 கோடிக்கும் அதிகமாக வசூல் செய்து அசத்தியது.

இதையும் படிக்க: பிரபல நிறுவன தயாரிப்பில் ’லவ் டுடே’ ஹிந்தி ரீமேக்

இந்நிலையில், இயக்குநர் விக்னேஷ் சிவன் பிரதீப் ரங்கநாதனிடம் கதை சொன்னதாகவும் அதில் நடிக்க பிரதீப் ஒப்புக்கொண்டதாகவும் புதிய தகவல் வெளியாகியுள்ளது.

நடிகர் அஜித் குமாரின் 62-வது படத்தை விக்னேஷ் சிவன் இயக்குவதாக இருந்தது. ஆனால், சில காரணங்களால் அவர் அப்படத்திலிருந்து விலகியுள்ளார்.