முதல் நாளிலேயே வசூலில் சதமடித்த ஷாருக் கானின் பதான்!

ஷாருக் கான் நடித்த பதான் படம் முதல் நாளன்று உலகெங்கும் ரூ. 100 கோடி வசூலை அள்ளியுள்ளதாகத் தகவல்கள் வெளியாகியுள்ளன. 

ஷாருக் கான், தீபிகா, ஜான் ஆப்ரஹாம் நடிப்பில் உருவாகியுள்ள படம் - பதான். சித்தார்த் ஆனந்த் இயக்கியுள்ளார். இசை - விஷால் & ஷேகர். 

2018-ல் ஷாருக் கான் நடித்த ஜீரோ படம் வெளியானது. அதன்பிறகு ஷாருக் கான் கதாநாயகனாக நடித்து வெளியாகியுள்ள படம் - பதான். இப்படத்தின் முதல் பாடலாக பேஷரம் ரங் பாடல் வெளியாகி சர்ச்சைகளை ஏற்படுத்தியது. யூடியூப் தளத்தில் அப்பாடல் 240 மில்லியன் பார்வைகளை எட்டியுள்ளது. 

பதான் படம் நேற்று (ஜனவரி 25) ஹிந்தி, தமிழ், தெலுங்கு ஆகிய மொழிகளில் வெளியானது.

இந்நிலையில் பதான் படம் முதல் நாளன்று உலகெங்கும் ரூ. 100 கோடி வசூலை எட்டி அசத்தியுள்ளது. இந்தியாவில் மட்டும் ரூ. 54 கோடி வசூல் கிடைத்துள்ளதாகத் தகவல் வெளியாகியுள்ளது. வார இறுதியில் இதன் வசூல் மேலும் அதிகமாக இருக்கும் என மதிப்பிடப்படுகிறது. 

நாட்டைக் காக்க வரும் 'பதான்', ரசிகர்களை காப்பாற்றுவாரா? - திரை விமர்சனம்