சொத்து மதிப்பு ரூ.170 கோடியா?: ஹிந்தி நடிகர் மனோஜ் பாஜ்பாய் பேட்டி! 

1994இல் ஷேகர் கபூர் இயக்கிய பண்டிட் குயின் படத்தில் அறிமுகமானவர். பிரபல தெலுங்கு இயக்குநர் ராம் கோபால் வர்மா இயக்கிய சத்யா படத்தின் மூலம் சினிமாவில் நடித்து மனோஜ் பாஜ்பாயி பிரபலமானார். கேங்ஸ் ஆஃப் வாஸிப்பூர், தமிழில் அஞ்சான், சமர் ஆகிய  படங்களிலும் நடித்துள்ளார். 

இதையும் படிக்க: இவரைத் தடுக்க யாருமில்லை: ஷாருக்கான் வெளியிட்ட விஜய் சேதுபதியின் போஸ்டர்! 

54 வயதான இவர் கமர்ஷியல் படங்களைவிட நல்ல சினிமாக்களில் நடிப்பதை நோக்கமாக கொண்டுள்ளார். சமீபத்தில் வெளியான இவரது தி ஃபேமலி மேன், ஃபார்ஜி ஆகிய படங்கள் நல்ல வரவேற்பு பெற்றது. இதுவரை தனது நடிப்பிற்காக மனோஜ் பாஜ்பாய்  3 தேசிய விருதுகளை பெற்றுள்ளதும் குறிப்பிடத்தக்கது.  

இதையும் படிக்க: ரிஷப் பந்த்தினை போல ஒற்றைக் கையால் சிக்ஸர் அடித்த இஷான் கிஷன்: வைரல் விடியோ! 

சமீபத்தில் அவர், “இரவு உணவு சாப்பிட்டு 13-14 வருடங்கள் ஆனதென” அளித்த நேர்காணல் வைரலானது. தற்போது ரூ.170 கோடி வருமானம் வைத்துள்ளதாக கேள்வி எழுப்பப்பட்டது. அதற்கு அவர் சிரித்துக் கொண்டே, “நான் செய்யும் வேலையை வைத்துகொண்டு இவ்வளவு பணம் சம்பாதிக்க முடியாது. நான் இன்னும் எனது வங்கியில் பணத்தினை சேர்க்க கஷ்டப்பட்டு கொண்டுதான் வருகிறேன். இதையெல்லாம் பார்த்த பிறகாவது எனது தயாரிப்பாளர்கள் எனது சம்பளத்தினை உயர்த்தினால் நன்றாக இருக்கும்” எனக் கூறியுள்ளார். 

தற்போது மனோஜ் பாஜ்பாய் டெஸ்பேட்ச், ஜோரம் ஆகிய படங்களில் நடித்து வருகிறார்.