கேப்டன் மில்லர் படத்தின் முதல் பாடல் வெளியாகும் தேதி அறிவிப்பு!

தனுஷ் நடிக்கும் கேப்டன் மில்லர் படத்தின் முதல் பாடல் வெளியாகும் தேதி அறிவிக்கப்பட்டுள்ளது.

அருண் மாதேஸ்வரன் இயக்கும் இப்படத்துக்கு ஜி.வி.பிரகாஷ் குமார் இசையமைக்கிறார். சத்ய ஜோதி ஃபிலிம்ஸ் தயாரிக்கிறது.

கதாநாயகியாக பிரியங்கா மோகன் நடிக்க, முக்கிய வேடத்தில் சந்தீப் கிஷன் மற்றும் கன்னட சூப்பர் ஸ்டார் சிவராஜ் குமார் ஆகியோர் நடித்துள்ளனர்.

நடிகர் தனுஷின் 40-வது பிறந்தநாளை முன்னிட்டு  கேப்டன் மில்லர் படத்தின் டீசரை படக்குழு வெளியிட்டிருந்தனர். அதிரடி காட்சிகளால் நிறைந்துள்ள டீசர் ரசிகர்களிடையே வரவேற்பைப் பெற்று, யூடியூப்பில் 3 கோடி பார்வைகளைக் கடந்தது. 

கேப்டன் மில்லர் திரைப்படம் வருகிற டிச.15 ஆம் தேதி வெளியாகும் என்றும் அறிவிக்கப்பட்டு இருந்த நிலையில், இப்படம் பொங்கலுக்கு வெளியாகும் எனத் தெரிவிக்கப்பட்டுள்ளது.

இதையும் படிக்க: இயக்குநர் சுரேஷ் சங்கையாவின் 'சத்திய சோதனை' ஓடிடியிலாவது கவனம் பெறுமா?

மேலும், இப்படத்தின் முதல் பாடல் வரும் நவ.22 ஆம் வெளியாகவுள்ளதாக படக்குழு போஸ்டர் வெளியிட்டு தெரிவித்துள்ளது.