ஜெயிலர் படத்தைத் தொடர்ந்து ரஜினியின் 170-வது படத்தை ‘ஜெய்பீம்’ இயக்குநர் த.செ.ஞானவேல் இயக்குகிறார். படத்தை லைகா நிறுவனம் தயாரிக்கிறது. இசை - அனிருத்.
இந்த படத்தில் முக்கிய வேடத்தில் அமிதாப் பச்சன், ஃபகத் ஃபாஸில், ராணா, துஷாரா விஜயன், மஞ்சு வாரியார், ரித்திகா சிங் உள்ளிட்டோர் நடிக்கின்றனர்.
நெல்லை, கன்னியாகுமரி மாவட்டங்களில் இந்த படத்தின் படப்பிடிப்பு நடைபெற்றது. தற்போது, மும்பையில் நடந்த படப்பிடிப்பும் நிறைவடைந்துள்ளது.
இதையும் படிக்க: லியோவுக்கான கதையில் யார் வில்லன்?
படப்பிடிப்பில் நடிகர்கள் ரஜினியும் அமிதாப் பச்சனும் எடுத்துக்கொண்ட புகைப்படம் இணையத்தில் வைரலானது. இந்நிலையில், இப்படத்தில் அமிதாப் பச்சன் வழக்கறிஞராக நடித்து வருவதாக புதிய தகவல் வெளியாகியுள்ளது. நடிகர் ரஜினிகாந்த் காவல்துறை அதிகாரியாக நடிப்பது குறிப்பிடத்தக்கது.