பிப். 25-ல் முடிவுக்கு வருகிறது 'அபியும் நானும்' தொடர்!

சன் தொலைக்காட்சியில் ஒளிபரப்பாகி வரும் 'அபியும் நானும்' தொடர் இந்த மாதத்துடன் முடிவடையவுள்ளதாக கூறப்படுகிறது. இந்தத் தொடரின் திரைக்கதை இறுதிக்கட்டத்தை எட்டியுள்ளதால் இந்த மாதத்துடன் முடிவடையவுள்ளது. 

சன் தொலைக்காட்சியில் கடந்த 2020 முதல் 'அபியும் நானும்' தொடர் ஒளிபரப்பாகி வருகிறது. குழந்தை நட்சத்திரங்களை மையப்படுத்தி எடுக்கப்பட்டு வரும் இந்த தொடர், பெரியவர்களை மட்டுமின்றி குழந்தைகளையும் கவர்ந்துள்ளது. 

ஆகாஷ், ரியா மனோஜ், வித்யா மோகன், பேபி நிதிஷ் உள்ளிட்டோர் முதன்மை பாத்திரத்தில் நடித்து வருகின்றம்னர். மேலும், லதா சேதுபதி, யமுனா சின்னதுரை, கிரிஜா, ராஜ்கமல் உள்ளிட்டோரும் நடித்து வருகின்றனர். 

குழந்தை நட்சத்திரங்களை மையப்படுத்தி அதிக காட்சிகள் இடம்பெறும் இந்த தொடர் குழந்தைகளை வெகுவாக கவர்ந்துள்ளது. இந்நிலையில் இந்த தொடர் இறுதிக்கட்டத்தை எட்டியுள்ளது. இதனால் இந்த மாதம் 25ஆம் தேதியுடன் இந்த தொடர் முடிவடைய வாய்ப்புள்ளது.

படிக்க | 'அபியும் நானும்' - சீசன் 2 வேண்டும்: ரசிகர்கள் ஆர்வம்!

'அபியும் நானும்' தொடரை எழுதி இயக்கியவர் நடராஜன். ஒளிப்பதிவு - ஆர்.பி.சத்தியமூர்த்தி, படத்தொகுப்பு - எம்.எஸ்.தியாகராஜன், எம்.பிரபாகரன், முருகேசன் கணேசன் உள்ளிட்டோர் செய்கின்றனர்.