துல்கர் சல்மானுக்கு தாதா சாகேப் பால்கே திரைப்பட விழா விருது!

நடிகர் துல்கர் சல்மானுக்கு தாதா சாகேப் பால்கே சர்வதேச திரைப்பட விழா விருது அறிவிக்கப்பட்டுள்ளது.

தமிழ், மலையாளம் ஆகிய மொழிகளில் பிரபல நடிகராக இருப்பவர் நடிகர் துல்கர் சல்மான். இறுதியாக இவர் நடிப்பில் வெளியான ‘சீதாராமம்’ திரைப்படம் பெரிய வெற்றியைப் பெற்றது. தற்போது, 'கிங்க் ஆஃப் கோதா’ படத்தில் நடித்து வருகிறார்.

ஹிந்தியில் வெளியான ‘சுப்’ படத்தில் துல்கர் எதிர்மறைக் கதாபாத்திரத்தில் நடித்திருந்தார். 

இதையும் படிக்க: லவ் டுடே: மேக்கிங் விடியோ வெளியானது!

இந்நிலையில், சிறந்த எதிர்மறைக் கதாபாத்திரத்திற்கான பிரிவில் துல்கர் சல்மானுக்கு 2023 ஆம் ஆண்டிற்கான தாதா சாகேப் பால்கே சர்வதேச திரைப்பட விருது வழங்கப்பட்டது. 

இந்த விருது விழாவில் சிறந்த நடிகர் -  ரன்பீர் கபூர், சிறந்த நடிகை - ஆலியா பட், நம்பிக்கைக்குரிய நடிகர் - ரிஷப் ஷெட்டி ஆகியோர் விருதுக்கு தேர்வு செய்யப்பட்டுள்ளனர்.