விஜய் - லோகேஷ் கனகராஜ் கூட்டணியில் உருவாகும் ‘விஜய் 67’ படத்தின் படப்பிடிப்பிற்காக படக்குழு காஷ்மீர் செல்ல உள்ளதாக தகவல் வெளியாகியுள்ளது.
தெலுங்கு இயக்குநர் வம்சி இயக்கத்தில் விஜய் நடித்துள்ள வாரிசு திரைப்படம் வெளியாகி கலவையான விமர்சனங்களைப் பெற்று வருகிறது. இதனைத் தொடர்ந்து, லோகேஷ் கனகராஜுடன் இரண்டாவது முறையாக விஜய் இணைந்துள்ளார்.
லோகேஷ் - விஜய்யின் முதல் படமான மாஸ்டர் கலவையான விமர்சனங்களை பெற்ற நிலையில், இந்த படம் முழுக்க முழுக்க லோகேஷ் ஸ்டைலில் தான் இருக்கும் எனத் தெரிவிக்கப்பட்டிருந்தது.
இதையும் படிக்க: இஸ்லாமியராக மாறும் ரஜினி?
காதல் காட்சிகள், பாடல்கள் எதுவும் இல்லாமல் கைதி படம் போன்று முழுக்க முழுக்க பான் இந்தியா ஆக்ஷன் படமாக உருவாகிறது விஜய் 67.
இந்தப் படத்தில் இயக்குநர் கெளதம் வாசுதேவ் மேனன், மிஸ்கின், மன்சூர் அலிகான், சஞ்சய் தத் எனப் பலர் நடிக்கவுள்ளனர்.
மேலும், இப்படத்தின் புரோமோ படப்பிடிப்பு சென்னையில் படமாக்கப்பட்டு வருகிறது.
இந்நிலையில், அடுத்தகட்ட படப்பிடிப்பிற்காக படக்குழு கொடைக்கானல் செல்ல உள்ளதாகவும் அதன்பின் காஷ்மீர் செல்ல உள்ளதாகவும் தகவல் வெளியாகியுள்ளது.