கயல் ஆனந்தியின் அடுத்த படத்தின் பெயர் அறிவிப்பு!

நடிகை கயல் ஆனந்தியின் அடுத்த படத்தின் பெயரை படக்குழு அறிவித்துள்ளது.

தமிழில் கயல் படத்தின் மூலம் பிரபலமான ஆனந்தி, சண்டி வீரன், பரியேறும் பெருமாள் என பல்வேறு படங்களில் தனது நடிப்பின் மூலம் பெரும் ரசிகர்கள் பட்டாளத்தை ஈர்த்துள்ளார்.

இந்நிலையில், ரஞ்சனி தயாரிப்பில் அறிமுக இயக்குநர்  ராஜசேகர் இயக்கத்தில் சைக்காலாஜிக்கல் த்ரில்லர் படத்தில் தற்போது ஆனந்தி நடித்து வருகிறார்.

இதையும் படிக்க | கதாபாத்திரத்துக்கு முக்கியத்துவம் அளித்தால் மட்டுமே நடிப்பேன்: மாளவிகா மோகனன்

ஜோஹன் ஷெவனேஷ் இசையமைக்கும் இந்த படத்திற்கு 'ஒயிட் ரோஸ்' எனப் பெயரிடப்பட்டுள்ளது.

இந்த படம் குறித்து இயக்குநர் ராஜசேகர் கூறியதாவது:

கயல் ஆனந்தி பல படங்களில் தனது அழகான நடிப்பால் நம்மைக் கவர்ந்துள்ளார். ஆனால், இது அவரது சினிமா பயணத்தில் நிச்சயம் ஒரு சிறந்த படமாக இருக்கும். . ஆர்.கே.சுரேஷ் வில்லனாக நடிக்கிறார். அவர் தனது அற்புதமான நடிப்பால் பார்வையாளர்களை நடுங்க வைப்பார் என்று நான் உறுதியாக சொல்வேன். இதில்  பார்வையாளர்கள் அவரின் வேறு வெர்ஷனைப் பார்ப்பார்கள் இன்னும் பல முக்கிய நடிகர்களை நாங்கள் இறுதி செய்து வருகிறோம். விரைவில் அது குறித்தான அதிகாரப்பூர்வ அறிவிப்புகளை வெளியிடுவோம்" என்றார்.

ஒளிப்பதிவு: இளையராஜா வ
படத்தொகுப்பு: கோபிகிருஷ்ணா