ஜெயம் ரவியின் அகிலன் படத்தின் ஓடிடி வெளியீடு குறித்து தகவல் வெளியாகியுள்ளது.
பூலோகம் படத்துக்கு பிறகு இயக்குநர் கல்யாண கிருஷ்ணனுடன் ஜெயம் ரவி இணைந்திருக்கும் படம் அகிலன். இந்தப் படத்தை ஸ்கிரீன் சீன் மீடியா எண்டர்டெயின்மென்ட் நிறுவனம் தயாரித்துள்ளது.
இந்தப் படத்தில் தான்யா, பிரியா பவானி ஷங்கர் உள்ளிட்டோர் நாயகிகளாக நடித்துள்ளனர். சாம் சிஎஸ் இசையமைத்துள்ள இந்தப் படத்துக்கு விவேக் ஆனந்த் ஒளிப்பதிவு செய்துள்ளார்.
இதையும் படிக்க: ’பொன்னியின் செல்வன் 2’ முதல் பாடல் வெளியீட்டுத் தேதி அறிவிப்பு
இப்படம் மார்ச் 10 ஆம் தேதி திரையரங்குகளில் வெளியாகி, கலவையான விமர்சனங்களைப் பெற்றதால் தோல்விப் படமாக அமைந்தது.
இந்நிலையில், அகிலன் வருகிற மார்ச் 31 ஆம் தேதி ஜீ5 ஓடிடி தளத்தில் வெளியாக உள்ளது. திரைக்கு வந்து 3 வாரங்களிலேயே இப்படம் ஓடிடியில் வெளியாவது குறிப்பிடத்தக்கது.