லியோ திரைப்படம் கடந்த 19-ஆம் தேதி வெளியிடப்பட்டது. படத்தின் பிரம்மாண்ட வெற்றியைக் கொண்டாடும் விதமாக நேற்று (நவ.1) சென்னையில் இதன் வெற்றி விழா நடைபெற்றது. இதில் விஜய், திரிஷா, லோகேஷ் கனகராஜ், அர்ஜுன், மன்சூர் அலிகான் உள்பட படக்குழுவினர் பலரும் கலந்துகொண்டனர்.
நிகழ்ச்சியின்போது நடிகர் விஜய்யிடம் தொகுப்பாளர், “லோகேஷ் கனகராஜ் உங்க கட்சியில் இணைந்தால் என்ன பொறுப்பு கொடுப்பீர்கள்?” எனக் கேள்வி கேட்டார். அதற்கு கற்பனையாகத்தானே கேட்கிறீர்கள் என்று சிரித்தவர், “லோகேஷ்க்கு போதைப்பொருள் ஒழிப்பு இலாகா என புதிய துறையைத் துவங்கி அதில் அவரை அமைச்சராக நியமனம் செய்வேன்” என்றார்.
இதையும் படிக்க: காக்கா...கழுகு...: விஜய்யின் குட்டி ஸ்டோரி!
இதைக்கேட்ட ரசிகர்கள், சிரிப்பை அடக்க முடியாமல் கூச்சல் போட்டனர். காரணம், லோகேஷ் கனகராஜ் தன் படங்களில் போதைப் பொருள்களைக் குறித்தே கதையை அமைக்கிறார்!