வெளியானது சந்தானத்தின் ‘80ஸ் பில்டப்’ டிரைலர்!

நடிகர் சந்தானம் நடித்துள்ள 80ஸ் பில்டப் படத்தின் டிரைலர் வெளியாகியுள்ளது.

Updated On :18 நவம்பர் 2023, 3:14 pm

முன்னதாக சந்தானம் நடிப்பில் வெளியான கிக் படத்தினை தவிர்த்து தில்லுக்கு துட்டு, டிடி ரிட்டர்ன்ஸ் ஆகிய திரைப்படங்கள் நல்ல வரவேற்பினைப் பெற்றது.

இந்த நிலையில், குலேபகாவலி, ஜாக்பாட் ஆகிய படங்களை இயக்கிய கல்யாண் இயக்கியுள்ள படம் ‘80-ஸ் பில்டப்’. இதில்தான் சந்தானம் நாயகனாக நடித்துள்ளார்.

இதையும் படிக்க: இசை மருத்துவர் யுவன் ஷங்கர் ராஜா: வைரல் விடியோ!

இப்படத்தில், சந்தானத்திற்கு ஜோடியாக பூவே உனக்காக தொடர் பிரபலம் ராதிகா பிரீத்தி நடிக்கிறார். மேலும் இப்படத்தில் கே.எஸ்.ரவிகுமார், ஆனந்த் ராஜ், மன்சூர் அலிகான், மொட்டை ராஜேந்திரன், மனோபாலா, மயில்சாமி, முனீஸ்காந்த், கூல் சுரேஷ் உள்பட பலர் நடித்துள்ளனர்.

இதையும் படிக்க: சப்த சாகரதாச்சே எல்லோ: ரசிகர்களின் ஆதரவில் கூடுதல் காட்சிகள் !

ஜிப்ரான் இப்படத்துக்கு இசையமைக்கிறார். ஸ்டுடியோ கிரீன் நிறுவனம் இப்படத்தை தயாரித்துள்ளது. இதன் படப்பிடிப்பு முடிந்து போஸ்ட் புரொடக்‌ஷன் பணிகள் நடந்து வருகின்றன. நவ.24ஆம் தேதி வெளியாக உள்ளது குறிப்பிடத்தக்கது.

இதையும் படிக்க: என் தங்கமே...: நயன்தாரா பிறந்தநாளுக்கு வாழ்த்திய விக்னேஷ் சிவன்!

80-களில் நடக்கும் இந்தப் படத்தின் கதை, ஃபேன்டசி டிராமாவாக உருவாகி வருகிறது. 18 நாட்களில் இந்தப் படத்தின் படப்பிடிப்பை முடித்துள்ளனர். தற்போது இந்தப் படத்தின் டிரைலர் வெளியாகி ரசிகர்களை கவர்ந்துள்ளது.