சமீப காலமாக நட்சத்திர நடிகர்களின் திரைப்பட டிரைலர்களையும் பல திரையரங்குகள் வெளியிட்டு வருகின்றன. ரூ.10 முதல் ரூ.50 வரை இதற்குக் கட்டணமாக வசூலிக்கப்படுகிறது.
இறுதியாக, நடிகர் விஜய்யின் லியோ டிரைலர் பல திரையரங்குகளில் வெளியிடப்பட்டது. அப்போது, சென்னையில் உள்ள பிரபல திரையரங்கம் ஒன்றில் லியோ டிரைலரைக் காண வந்த ரசிகர்கள் உற்சாகத்தில் 400க்கும் மேற்பட்ட இருக்கைகளை சேதப்படுத்தினர். இதனால், அந்தத் திரையரங்க நிர்வாகம் கடுமையான பொருளாதார இழப்பைச் சந்தித்தது.
இதையும் படிக்க: ஒரே மாதத்தில் சிக்ஸ் பேக்.. என்ன செய்தார் ஹிருத்திக் ரோஷன்?
இந்நிலையில், தமிழ்நாடு திரையரங்கு உரிமையாளர்கள் சங்கத்தின் தலைவர் திருப்பூர் சுப்ரமணியம், இனி திரையரங்கங்களில் படத்தின் டிரைலர்களை வெளியிடப்போவதில்லை என முடிவு செய்துள்ளதாக தெரிவித்துள்ளார்.