மீண்டும் சீரியலில் நுழையும் ரம்யா கிருஷ்ணன்!

நடிகை ரம்யா கிருஷ்ணன் பல வருடங்களுக்கு பிறகு மீண்டும் சீரியலில் நடிக்கிறார்.

சமீபத்தில், நடிகை ரம்யா கிருஷ்ணன் ரஜினிகாந்த் உடன் ஜெயிலர் படத்தில் நடித்திருந்தார். இதற்கு முன்னதாக இவர் தங்கம், கலசம், ராஜகுமாரி உள்ளிட்ட பல தொடர்களில் நடித்து ரசிகர்கள் மத்தியில் பிரபலமானார்.

இந்த நிலையில், ஜி தமிழ் தொலைக்காட்சியில் ஒளிப்பரப்பாக உள்ள புதிய தொடரான நள தமயந்தி தொடரில் ரம்யா கிருஷ்ணன் நடிக்கிறார். அதற்கான முன்னோட்டக் காட்சி வெளியாகியுள்ளது.

நள தமயந்தி தொடரின் முன்னோட்டக் காட்சியில் அம்மன் வேடத்தில் வருகிறார் ரம்யா கிருஷ்ணன். தொடரின் பிரமோஷனுக்காக நடிக்கிறாரா அல்லது சீரியலில் தொடர்ந்து நடிப்பாரா என்பது இனி வரும் நாள்களில் தெரியவரும்.

இத்தொடரின் முன்னோட்டக் காட்சி சமூக ஊடகங்களில் வைரலாகியுள்ளது. வரும் அக்டோபர் 9 ஆம் தேதி முதல் இத்தொடர் ஒளிப்பரப்பாகவுள்ளது.

இந்தத் தொடரில் பிரியங்கா நல்காரி முதன்மையான கதாபாத்திரத்தில் நடிக்கிறார். 

இதையும் படிக்க: வலிகளுடன் வாழப் பழகிவிட்டேன்: விஜய் ஆண்டனி

சன் தொலைக்காட்சியில் ஒளிபரப்பான ரோஜா தொடர் மூலம் தமிழ் ரசிகர்களுக்கு அறிமுகமானவர் நடிகை பிரியங்கா நல்காரி.