ரஜினி - 171 பெயர் டீசர் படப்பிடிப்பு!

நடிகர் ரஜினி - லோகேஷ் கனகராஜ் படத்தின் அப்டேட் வெளியாகியுள்ளது.

Updated On :4 ஏப்ரல் 2024, 6:05 am

ஜெயிலர் பட வெற்றியைத் தொடர்ந்து நடிகர் ரஜினிகாந்த்தின் 171வது படத்திலும் சன் பிக்சர்ஸ் மீண்டும் இணைகிறது. இந்தப் படத்தை லோகேஷ் கனகராஜ் இயக்க, அனிருத் இசையமைக்கிறார். இதற்கான அதிகாரபூர்வ அறிவிப்பை சன் பிக்சர்ஸ் சமீபத்தில் வெளியிட்டிருந்தது.

இயக்குநர் லோகேஷ் நடிகர் விஜய்யை வைத்து இயக்கிய லியோ திரைப்படம் கலவையான விமர்சனங்களைப் பெற்றாலும் வசூலில் வெற்றிப்படமானது.

தற்போது, ஏப்.22ஆம் தேதி ‘தலைவர் 171’ பெயர் டீசர் வெளியாகும் என அறிவிக்கப்பட்டுள்ளது. இதற்கிடையே, படத்திற்கு ‘கழுகு’ எனப் பெயரிட்டுள்ளதாக சில தகவல்கள் வெளியாகி வைரலாகின.

இந்த நிலையில், ரஜினி - 171 பெயர் டீசர் புரோமோ விடியோவுக்கான படப்பிடிப்பு விரைவில் துவங்கவுள்ளதாகப் புதிய தகவல் வெளியாகியுள்ளது.

விக்ரம், லியோ படத்தின் பெயர் அறிவிப்புக்கு புரோமோ விடியோ தயாரித்த லோகேஷ், ரஜினி - 171-ல் என்ன செய்யப்போகிறார் என ரசிகர்கள் காத்திருக்கின்றனர்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News