உடலைப் பராமரிக்கும் நடிகர்களில் உதாரணமாக இருப்பவர் நடிகர் சூர்யா. வாரணம் ஆயிரம் படத்தின் மூலம் தமிழ் சினிமாவின் முதல் சிக்ஸ்பேக் நாயகனாக ஆச்சரியப்படுத்திய சூர்யா, இன்றுவரை தன் உடலைக் கட்டுக்கோப்புடன் பராமரித்து வருகிறார்.
தற்போது, நடிகையும் சூர்யாவின் மனைவியுமான ஜோதிகாவும் உடற்பயிற்சி கூடத்திற்குச் சென்று கடும் பயிற்சிகளை மேற்கொண்டு வருகிறார்.
சமீபத்தில் இவர் நடிப்பில் வெளியான சைத்தான் படம் வசூலில் பெரிய வெற்றியைப் பெற்றது.
தொடர்ந்து, ஹிந்தியில் ஸ்ரீகாந்த் படத்தில் நடித்து முடித்திருக்கிறார். தற்போது, தன் தோழியுடன் அவர் எவரெஸ்ட் மலையில் பயணம் மேற்கொண்டதையும் அங்கு மலையேற்றம் செய்ததையும் விடியோவாக வெளியிட்டுள்ளார்.
சிறிய தங்கும் அறை, நேபாள உணவுகள், உலகிலேயே அதிக உயரத்தில் உள்ள உணவகம் என இப்பயணத்தை மகிழ்ச்சியாக முடித்திருக்கிறார் ஜோ!