காதலிக்க நேரமில்லை படத்திற்காக ஏ. ஆர். ரஹ்மான் பாடிய பாடல் ரசிகர்களிடம் நல்ல வரவேற்பைப் பெற்றுள்ளது.
ரெட் ஜெயன்ட் மூவிஸ் தயாரிப்பில் இயக்குநர் கிருத்திகா உதயநிதி இயக்கத்தில், ஏ.ஆர்.ரஹ்மான் இசையில், ஜெயம் ரவி, நித்யா மெனன் நடிப்பில் உருவான திரைப்படம் "காதலிக்க நேரமில்லை".
ஜெயம் ரவி, நித்யா மெனன் முதன்மை கதாபாத்திரத்தில் நடிக்க யோகி பாபு, லால், வினய், லக்ஷ்மி ராமகிருஷ்ணன், பாடகர் மனோ, டி.ஜே. பானு, ஜான் கோகேன், வினோதினி உள்ளிட்ட பலர் நடித்துள்ளனர்.
முழுக்காதல் திரைப்படமாக உருவாகியுள்ள இது, இம்மாதம் திரைக்கு வரும் என எதிர்பார்க்கப்படுகிறது.
இப்படத்தின் முதல் பாடலான ‘என்னை இழுக்குதடி’ பாடல் நவ. 22-ல் வெளியானது. விவேக் எழுதிய இப்பாடலை ஏ. ஆர். ரஹ்மான் மற்றும் தீ இணைந்து பாடியுள்ளனர்.
பாடல் வெளியானதிலிருந்து தற்போது வரை ரசிகர்களிடம் வரவேற்பைப் பெற்று வருகிறது. முக்கியமாக, 2கே ரசிகர்களிடமும் வைரலாகியுள்ளது.
”32 வருடமாகியும் கரையைக் கடக்காத ஒரே புயல், எங்கள் இசைப்புயல் மட்டுமே..” என பலரும் ஏ.ஆர்.ரஹ்மானை பாராட்டி வருகின்றனர். இந்த நிலையில், இப்பாடல் யூடியூபில் மட்டும் 1 கோடி (10 மில்லியன்) பார்வைகளைக் கடந்து ஹிட் அடித்துள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.