லைகா நிறுவனத்தின் தயாரிப்பில் ஐஸ்வர்யா ரஜினிகாந்த் இயக்கத்தில் உருவாகியுள்ள திரைப்படம் லால் சலாம். நடிகர்கள் ரஜினிகாந்த், விஷ்ணு விஷால், விக்ராந்த் இணைந்து நடிக்கும் இப்படத்திற்கு ஏ.ஆர்.ரஹ்மான் இசையமைத்துள்ளார்.
படத்தின் இறுதிக்கட்ட பணிகள் நிறைவடைந்துள்ளதால் வருகிற பிப்.9 ஆம் தேதி படம் வெளியாகிறது.
இதையும் படிக்க: லால் சலாம் பேசும் மதநல்லிணக்கம் எப்படி இருக்கிறது? திரைவிமர்சனம்
இப்படத்தின் டிரைலர் வெளியாகி கவனத்தைப் பெற்றது. லால் சலாம் படத்திற்கு தணிக்கை வாரியம் யு/ஏ சான்றிதழ் வழங்கியுள்ளது.
நேற்று படம் வெளியாகி ரசிகர்களிடையே நல்ல வரவேற்பினை பெற்று வருகிற நிலையில் இயக்குநர் கார்த்திக் சுப்புராஜ், “மொய்தீன் பாயாக தலைவரை லால் சலாம் படத்தில் பார்க்க விருந்தாக இருந்தது. ( தீ, இதயம் எமோஜிக்கள்). சிறப்பாக இயக்கியிருந்தீர்கள் ஐஸ்வர்யா ரஜினிகாந்த். உண்மைக் கதையை தழுவி மத நல்லிணக்கம் நமக்கிடையே தேவை எனபதை சிறப்பாக கூறியிருந்தீர்கள். ஏ.ஆர்,.ரஹ்மான், விஷ்ணு விஷால், விக்ராந்த், லைகா புரடக்ஷனுக்கு வாழ்த்துகள்” எனக் கூறியுள்ளார்.
கார்த்திக் சுப்புராஜ் தீவீரமான ரஜினி ரசிகர் என்பது குறிப்பிடத்தக்கது. அவர் ரஜினியை வைத்து இயக்கிய பேட்ட திரைப்படம் மிகவும் ஸ்டைலான ரஜினி படங்களின் வரிசையில் இருப்பது குறிப்பிடத்தக்கது.