'அந்தாதுன்' பட இயக்குநர் ஸ்ரீராம் ராகவன் இயக்கத்தில் விஜய் சேதுபதி, கத்ரீனா கைஃப் இணைந்து நடிக்கும் படம் 'மெரி கிறிஸ்துமஸ்'. 'அந்தாதுன்' படம் பெரும் வெற்றி பெற்றதால் ஸ்ரீராம் ராகவன் இயக்கும் படம் என்பதால் இந்தப் படத்தின் மீதான எதிர்பார்ப்பு அதிகரித்துள்ளது.
இந்தப் படத்தில் ராதிகா சரத் குமார், சஞ்சய் கபூர், தினு ஆன்ந்த உள்ளிட்ட பலர் நடித்துள்ளனர்.
இதையும் படிக்க: உதவி செய்வதை நான் விளம்பரம் செய்வதில்லை: ஐஸ்வர்யா ராஜேஷ்
இந்தப் படம் கடந்தாண்டு டிசம்பர் மாதம் கிறிஸ்துமஸ் அன்று வெளியாக இருந்தது. ஆனால் வெளியீட்டுத் தேதி தள்ளிப் போனது. இப்படம் பொங்கல் வெளியீடாக 2024, ஜனவரி 12 ஆம் தேதி வெளியாகும் என்று படக்குழு தெரிவித்தது. சமீபத்தில் இதன் டிரைலர் வெளியாகி, இணையத்தில் வைரலாகியது.
இதையும் படிக்க: ரசிகரின் செல்போனை பறித்து விடியோவை நீக்கிய அஜித்குமார்!
பத்திரிக்கையாளர் சந்திப்பில் பேசிய விஜய் சேதுபதி, “ கத்ரீனா கைஃப் மிகவும் அழகானவர். நான் அவரது பெரிய ரசிகர். அவருடன் நடிப்பேன் என நினைக்கவில்லை. ஆனால் நடந்துவிட்டது. அவர் இவ்வளவு காலம் சினிமாவில் நீடிக்க அழகு மட்டுமே காரணமில்லை. அதையும் தாண்டி அவர் அனைத்தையும் சரியாக புரிந்துக் கொள்ளக்கூடியவர். ஒரு காட்சியை எப்படி சிறப்பாக மாற்ற முடியுமோ அதற்காக மெனக்கெடுவார். அவரது இந்த உழைப்பும் புரிதல் திறனும்தான் அவரை இவ்வளவு நாள் சினிமாவில் நீடிக்க வைத்திருக்கிறது” எனக் கூறினார்.