மம்மூட்டி, ஜீவா நடித்துள்ள யாத்ரா 2 படத்தின் டீசர்!

மறைந்த முன்னாள் ஆந்திர முதல்வர் ஒய்.எஸ்.ராஜசேகர ரெட்டியின் வாழ்க்கையைத் தழுவி எடுக்கப்பட்ட படம் ‘யாத்ரா’. மஹி வி ராகவ் இயக்கிய இப்படத்தில் ஒய்.எஸ்.ஆர். கதாபாத்திரத்தில் மம்மூட்டி நடித்திருந்தார்.

தற்போது, இந்த படத்தின் இரண்டாம் பாகத்தை இயக்குநர் மஹி வி ராகவ் இயக்கியுள்ளார். இதில், ஒய்.எஸ்.ஆர். மகனும் ஆந்திர முதல்வருமான ஜெகன் மோகன் ரெட்டியின் கதாபாத்திரத்தில் நடிகர் ஜீவா நடித்துள்ளார். இந்தப் படத்துக்கு இசையமைப்பாளர் சந்தோஷ் நாராயணன் இசையமைக்கிறார்.

இதையும் படிக்க: தனுஷ் நடிப்பைப் பார்த்து மிரண்ட பிரியங்கா மோகன்!

இந்தப் படம் வருகின்ற பிப்ரவரி 8-ஆம் தேதி வெளியாகும் என்று ஏற்கெனவே அறிவிக்கப்பட்டுள்ளது. இந்த நிலையில், யாத்ரா 2 படத்தின் டீசர் தற்போது வெளியாகியுள்ளது. 

ஜகன் மோகன் வாழ்க்கை வரலாற்றினை வைத்து பிரபல தெலுங்கு இயக்குநர் ராம் கோபால் வர்மாவும் இயக்கியுள்ளது குறிப்பிடத்தக்கது.