நடிகர் தனுஷ் நடிப்பில் உருவான ராயன் திரைப்படம் இன்று (ஜூலை 26) திரையில் வெளியாகியுள்ளது. கேங்ஸ்டர் பின்னணியில் உருவான இப்படம் ஏ சான்றிதழுடன் திரைக்கு வருவதால், ரசிகர்களிடம் பெரிய எதிர்பார்ப்பு எழுந்தது.
சமீபத்தில், டிரைலர் வெளியாகி கவனம் பெற்றது. படத்தில் இடம்பெற்ற பாடல்களும் வரவேற்பைப் பெற்றுள்ளன. முக்கியமாக, வாட்டர் பாக்கெட், அடங்காத அசுரன் பாடல்கள் தொடர்ந்து கேட்கப்பட்டு வருகின்றன.
படக்குழு ராயன் திரைப்படம் பார்க்க சென்னை ரோஹிணி தியேட்டரில் வந்தனர்.
படம் பார்த்த ரசிகர்கள் விடியோக்களை எடுத்து எக்ஸ் தளத்தில் பதிவிட்டு வருகிறார்கள். அதில் படம் சிறப்பாக இருக்கிறதென்றும், பெரிய பாய் சம்பவம் என்றும் புகழ்ந்து வருகிறார்கள்.
ஏ.ஆர்.ரஹ்மானை பெரிய பாய் என்று அழைப்பது சமூக வலைதளத்தில் பரவலாக பயன்படுத்தும் சொல்.
பின்னணி இசையில் கலக்கியிருப்பதாக பலரும் தங்களது கருத்தினை சமூக வலைதளங்களில் கூறி வருகிறார்கள்.
ஏற்கனவே ராயன் படத்தில் வரும் உசுரே நீதானே பாடல் மிகப்பெரிய ஹிட் அடித்தது குறிப்பிடத்தக்கது.
இசை வெளியீட்டு விழாவில் தனுஷ் ரஹ்மான் சார் 30 படங்களுக்கு இசையமைப்பதாகக் கூறினார். ஏ.ஆர்.ரஹ்மான் மீண்டும் தனது ஆதிக்கத்தை செலுத்தி வருகிறார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.
