நிச்சயதார்த்தம் முடிந்தது! புகைப்படம் வெளியிட்ட நடிகை சுனைனா!

காதலில் விழுந்தேன் படத்தின் மூலம் தமிழில் 2008இல் அறிமுகமானவர் நடிகை சுனைனா. தெலுங்கு, மலையாளம், கன்னட மொழிகளிலும் படங்கள்  நடித்துள்ளார். கடைசியாக விஷாலின் லத்தி படத்தில் நடித்திருந்தார். இந்தப் படத்திற்கு கலவையான விமர்சனங்கள் வந்தன. 

தெறி படத்தில் நடிகர் விஜய்யுடன் சிறிய கதாபாத்திரத்தில் நடித்திருந்தார். நிலா நிலா ஓடி வா, பிங்கர்டிப், சதுரங்கம், மீட் க்யூட், இன்ஸ்பெக்டர் ஆகிய இணையத் தொடர்களிலும் நடித்துள்ளார். 

நேரம், பிரேமம் படத்தில் துணைக் கதாபாத்திரமாக நடித்த அனந்த் நாக் உடன் சுனைனா நடித்த ரெஜினா கலவையான விமர்சனங்களையே பெற்றன. 

சமீபத்தில் வெளியான இன்ஸ்பெக்டர் ரிஷி இணையத் தொடர் மிகவும் நல்ல வரவேற்பினைப் பெற்றன.

சமீபத்தில் காதலரின் கைகள் கொண்ட புகைப்படத்தினை பகிர்ந்திருந்தார். இந்நிலையில் தனக்கு நிச்சயதார்த்தம் நடந்துவிட்டதாக தற்போது மோதிரம் மாற்றிக்கொண்ட புகைப்படத்தினைப் பகிர்ந்துள்ளார்.

தனது எக்ஸ் பக்கத்தில் சுனைனா, ”எனது கடைசி பதிவு குறித்து பல கட்டுரைகளை பார்க்க முடிந்தது. அதனால் இதனை தெளிவுப்படுத்துகிறேன். எனக்கு மகிழ்ச்சியாக நிச்சயதார்த்தம் முடிந்துவிட்டது.

எனக்கு அற்புதமான குறுஞ்செய்திகள் மூலம் வாழ்த்துகள் அனுப்பிய அனைவருக்கும் நன்றி. அந்த வாழ்த்துகள் மிகவும் பெரிதாக நினைக்கிறேன்” எனக் கூறியுள்ளார்.