மகாராஜா படத்தின் ‘தாயே தாயே’ பாடல்!

நடிகர் விஜய் சேதுபதி நடித்துள்ள மகாராஜா படத்தில் ‘தாயே தாயே’ பாடல் வெளியாகியுள்ளது.

Updated On :8 ஜூன் 2024, 9:37 am

நடிகர் விஜய் சேதுபதியின் 50வது படமாக 'மகாராஜா'உருவாகி உள்ளது.

குரங்கு பொம்மை படத்தை இயக்கிய நித்திலன் சாமிநாதன் இப்படத்தை இயக்கியுள்ளார். சுதன் சுந்தரம் மற்றும் ஜெகதீஷ் பழனிச்சாமி இணைந்து தயாரிக்கின்றனர்.

பான் இந்தியா படமாக உருவாகும் இப்படத்தில் அனுராக் காஷ்யப், மம்தா மோகன்தாஸ், நட்டி, முனிஷ்காந்த், சிங்கம் புலி, பாரதிராஜா, வினோத் சாகர், பி.எல்.தேனப்பன் உள்ளிட்ட பலர் நடித்துள்ளனர். இந்தப் படத்துக்கு அஜனீஷ் லோக்நாத் இசையமைக்கிறார்.

மகாராஜா படத்தின் டிரைலர் சமீபத்தில் வெளியாகி நல்ல கவனம் பெற்றுள்ளது. விஜய் சேதுபதியின் சண்டைக்காட்சிகள் படத்தின் மீதான எதிர்பார்ப்பை அதிகரித்துள்ளது.

இந்நிலையில் படத்திலிருந்து தாயே தாயே பாடல் வெளியாகியுள்ளது. வைரமுத்து எழுதிய இந்தப் பாடலை சித் ஸ்ரீராம் பாடியுள்ளார்.

வரும் ஜூன் 14ஆம் தேதி இந்தப் படம் திரையரங்குகளில் வெளியாகிறது.