பிரபல மலையாள நடிகரின் மூத்த மகன் மரணம்!

மலையாளத்தில் பிரபலமான நடிகராக இருப்பவர் சித்திக். 350க்கும் மேற்பட்ட மலையாளப் படங்களில் நடித்துள்ளார். மலையாளம் மட்டுமல்லாமல் தமிழ், தெலுங்கு, ஹிந்தி மொழிகளிலும் நடித்துள்ளார்.

சிறந்த நடிப்புக்காக மாநில அரசின் விருதுகளை பல முறை வென்றுள்ளார்.

நடிகராக மட்டுமில்லாமல் தயாரிப்பாளராகவும் சித்திக் சிறப்பான படங்களைத் தயாரித்துள்ளார்.

தமிழில் ரங்கூன், வெந்து தணிந்தது காடு, வரலாறு முக்கியம் ஆகிய படங்களில் நடித்துள்ளார்.

இவரது மூத்த மகன் 37 வயதான ராஹீன் சித்திக் காலமாகியுள்ளார். இவரது தம்பி ஷாஹீன் (35) மம்மூட்டியின் பதேமரி படத்தின் மூலம் நடிகராக அறிமுகமானார். துணைக் கதாபாத்திரங்களில் முக்கியமான சில திரைப்படங்களில் நடித்துள்ளார்.

சுவாசப் பிரச்னையால் தனியார் மருத்துவமனையில் அனுமதிக்கப்படிருந்த ராஹீன் சித்திக் நுரையீரல் செயலிழப்பினால் காலமாகியுள்ளார்.

மலையாள சினிமா பிரபலங்கள்,சித்திக்கின் ரசிகர்கள் இந்தத் துயரத்தின்போது அவருடன் இருப்பதாக சமூக வலைதளங்களில் தெரிவித்து வருகிறார்கள்.