கதாநாயகனான கேட்க, பேச முடியாத நடிகர்!

காது கேட்க, வாய் பேச முடியாத நடிகர் ஸ்ரீஹரி கதாநாயனாக நடித்துள்ளார்.

அறிமுக இயக்குநர் ஏ.எல். ராஜா இயக்கத்தில் உருவான திரைப்படம், ‘சூரியனும் சூரிய காந்தியும்’. காதலில் சாதி குறுக்கிட்டால் என்னவெல்லாம் நிகழும் என்பதே படத்தின் கதை.

இப்படத்தின் நாயகனாக காது கேட்க, வாய் பேச முடியாத நடிகர் ஸ்ரீஹரி நடித்துள்ளார். மேலும், இப்படத்தில் அப்புக்குட்டி, விக்ரம் சுந்தர், சந்தான பாரதி உள்ளிட்ட நடிகர்களும் நடித்துள்ளனர்.

டிடி சினிமாஸ் தயாரித்துள்ள இப்படம் விரைவில் திரைக்கு வரவுள்ளது.

ஏற்கனவே, செவித்திறன் இருந்தும் வாய் பேச முடியாத நடிகையான அபிநயா நடோடிகள் படத்தில் நடித்து அசத்தியதுடன் ஈசன் படத்திலும் நடித்து ஆச்சரியப்படுத்தினார்.

தற்போது, ஸ்ரீஹரிக்கும் வாய்ப்பு கிடைத்திருப்பது கவனத்தைப் பெற்றுள்ளது.