சூது கவ்வும் படத்தின் மூலம் தமிழில் அறிமுகமான அசோக் செல்வன், தொடர்ந்து தெகிடி, ஓ மை கடவுளே போன்ற வெற்றிப் படங்களில் நடித்தார்.
இவர் நடிப்பில் வெளியான போர் தொழில் திரைப்படம் ரசிகர்களிடையே நல்ல வரவேற்பினைப் பெற்றது.
இதனிடையே, சிஎஸ் கார்த்திகேயன் இயக்கத்தில் அசோக் செல்வன் நடித்த சபா நாயகன் திரைப்படம், டிச.22ஆம் தேதி படம் வெளியாகி கலவையான விமர்சனங்களைப் பெற்றது.
இந்த நிலையில், நடிகர் அசோக் செல்வன், இயக்குநர் பாலாஜி கேசவன் இயக்கும் புதிய படத்தில் இணைந்துள்ளார்.
இப்படத்திற்கு, ‘எமக்குத் தொழில் ரொமான்ஸ்’ எனப் பெயரிடப்பட்டுள்ளது. நிவாஸ் பிரசன்னா இசையமைக்கும் இப்படத்தை எம். திருமலை தயாரிக்கிறார்.
மேலும், இப்படத்தில் ஊர்வசி, எம்.எஸ். பாஸ்கர் உள்ளிட்டோர் பிரதான வேடங்களில் நடிக்கிறார்கள்.